Díospóidí
Tá go leor cineálacha díospóidí ann ar féidir leo tarlú le linn tionóntachta. Faigh amach conas is féidir leis an mBord um Thionóntachtaí Cónaithe cabhrú le tiarnaí talún, le tionóntaí agus le tríú páirtithe díospóidí tionóntachta a réiteach.
Díospóidí coitianta
Is iad na díospóidí is coitianta a thugtar os comhair an Bhoird um Thionóntachtaí Cónaithe (RTB) ná bailíocht fógra foirceanta, foirceannadh neamhdhleathach tionóntachta, riaráistí cíosa, coinneáil éarlaise, agus riaráistí cíosa i dteannta róshealbhaithe.
I measc na ndíospóidí eile a ndéileálaimid leo tá iompraíocht fhrithshóisialta, sárú ar léas téarma sheasta, sárú ar oibleagáidí tiarna talún nó tionónta, damáiste is mó ná cuimilt agus caitheamh normálta, cíos is mó ná an ráta margaidh, athbhreithniú cíosa gan a bheith i gcomhréir leis na rialacha maidir le Criosanna Brú Cíosa, agus caighdeán agus cothabháil maoine.
-
Próiseas díospóidi
Tá ceithre rogha ag tionóntaí agus ag tiarnaí talún chun a ndíospóidí tionóntachta a réiteach. Tosaígí le féinréiteach mar an chéad chéim in bhur bpróiseas réitigh díospóide. Trí obair le chéile, is féidir libh teacht ar chomhaontú cothrom.
-
Treoir maidir le hidirghabháil
Seirbhís saor in aisce a chabhraíonn le tiarnaí talún agus le tionóntaí saincheisteanna tionóntachta a réiteach is ea idirghabháil. Cabhraíonn idirghabhálaí leis an dá pháirtí obair le chéile chun teacht ar réiteach a gcomhaontóidh gach duine leis. Faigh amach conas a oibríonn idirghabháil agus conas iarratas a dhéanamh uirthi.
-
Treoir maidir le breithniú
Is é is breithniú ann ná seirbhís um réiteach díospóidí a soláthraíonn an Bord um Thionóntachtaí Cónaithe í. Déanann breithneoir neamhspleách athbhreithniú ar an bhfianaise le linn éisteachta agus déanann sé nó sí cinneadh atá ina cheangal dlí.
-
Treoir maidir le binsí
Má tá tú páirteach in idirghabháil nó in éisteacht breithnithe agus má mheasann tú go bhfuil an cinneadh mícheart nó nach bhfuil sé i gcomhréir leis an dlí, féadfaidh tú achomharc a dhéanamh chuig binse. Is athéisteacht iomlán ar fhíorais do dhíospóide tionóntachta í. Is féidir leat aon fhianaise bhreise atá ábhartha do do chás a chur i láthair.
-
Díospóidí comharsan
Is é is tríú páirtí ann ná duine seachas tionónta, tiarna talún nó gníomhaire agus níl baint dhíreach aige nó aici leis an tionóntacht. Mar shampla, comharsa a ndéanann iompraíocht tionónta difear dó nó di.
-
Treoir maidir le fianaise
Má tá tú páirteach i ndíospóid le tionónta nó le tiarna talún, is féidir go mbeidh ort fianaise ábhartha a bhailiú. Faigh amach cé na cineálacha éagsúla fianaise atá ann agus cén uair a bhíonn gá leo.
-
Torthaí agus orduithe díospóide
Cuardaigh le haghaidh torthaí agus Orduithe Cinnidh roimhe seo le haghaidh bhreithnithe agus bhinsí an Bhoird um Thionóntachtaí Cónaithe (RTB).
-
Orduithe Cinnidh a Fhorfheidhmiú
Nuair a bhaineann tiarnaí talún, tionóntaí, nó tríú páirtithe úsáid as na seirbhísí um réiteach díospóidí de chuid RTB, tá an toradh cinntitheach ina cheangal dlí. Gairtear Ordú Cinnidh den toradh sin. Leagtar amach san Ordú Cinnidh téarmaí an chinnidh nó an chomhaontaithe. Ní mór do gach páirtí cloí leis an Ordú Cinnidh laistigh den tréimhse ama shonraithe.