Próiseas díospóidí

Féinréiteach

Is é an bealach is simplí chun díospóid tionóntachta a réiteach ná labhairt leis an bpáirtí eile. Molaimid don dá thaobh iarracht a dhéanamh na fadhbanna a réiteach ina n-aonar ar dtús. Tríd is tríd, bíonn sé sin níos tapúla agus bíonn níos lú struis ag baint leis.

• Pléigí na saincheisteanna ar bhealach measúil agus oscailte. Déanaigí iarracht dearcadh an pháirtí eile a thuiscint.
• Oibrígí le chéile chun teacht ar réiteach a mbeidh gach duine sásta leis.
• Bainigí úsáid as an bhfaisnéis agus na hacmhainní atá ar fáil.

Mura féidir libh an tsaincheist a réiteach in bhur n-aonar, is féidir libh iarratas foirmiúil a chur isteach le haghaidh réiteach díospóide.

Idirghabháil

Bainigí úsáid as ár seirbhís idirghabhála saor in aisce chun teacht ar chomhaontú atá ina cheangal dlí a mbeidh gach duine sásta leis. Cabhraíonn idirghabhálaí le tionóntaí agus le tiarnaí talún saincheisteanna tionóntachta a réiteach. Seirbhís teileafóin thapa éifeachtach is ea an idirghabháil.

Breithniú

Déanann breithneoir neamhspleách athbhreithniú ar an bhfianaise a chuir an dá pháirtí isteach. Déanann an breithneoir cinneadh ar thoradh na díospóide ar bhonn na fianaise agus an dlí. Tá an cinneadh ina cheangal. Cosnaíonn an tseirbhís sin €30 agus tógann sí níos mó ama ná mar a thógann an idirghabháil.

Binsí

Mura bhfuil ceachtar páirtí sásta leis an toradh ar idirghabháil nó ar bhreithniú, féadfaidh sé achomharc a dhéanamh chuig binse. Is féidir libh aon fhianaise bhreise faoi bhur ndíospóid a chur i láthair. Déanann an binse cinneadh ar thoradh na díospóide ar bhonn na fianaise agus an dlí. Tá an cinneadh ina cheangal.