Cé hiad na daoine ar cheart dóibh clárú

Tionóntachtaí nach gá a chlárú

Ní gá na cineálacha maoine ar cíos seo a leanas a chlárú le RTB:

• Cíosanna gnó: maoine a úsáidtear chun críocha gnó.
• Cíosanna saoire: ligin ghearrthéarmacha le haghaidh saoirí.
• Iarmhaoine faoi rialú cíosa nó tionóntachtaí léasa áitithe fhadtéarmaigh: tá rialacha difriúla i bhfeidhm.
• Tithe úinéir-áitithe: I gcás go mbeidh seomra i dteach do thiarna talún á fháil ar cíos agat.
• Cóiríocht do theaghlaigh: I gcás go ligfidh an tiarna talún cóiríocht ar cíos do dhlúthbhall teaghlaigh (céile, tuismitheoir nó leanbh) gan comhaontú tionóntachta foirmiúil i scríbhinn.
• Tithíocht shóisialta: tithíocht a soláthraíonn údaráis áitiúla í.
• Cóiríocht shealadach faoin scéim Íocaíochta Aitheantais Cóiríochta: le haghaidh dídeanaithe ón Úcráin a óstáil. Ní theastóidh clárú ina leith sin, mura ndéanann an tionónta an íocaíocht go díreach lasmuigh den scéim.

Conas a sheiceáil an bhfuil do thionóntacht cláraithe nó nach bhfuil

Más rud é gur tionónta thú agus gur mian leat a sheiceáil an bhfuil do thionóntacht cláraithe nó nach bhfuil, is féidir leat í a chuardach ar chlár poiblí RTB.

Más í cóiríocht atá sonrach do mhic léinn an tionóntacht atá á lorg agat, is féidir leat an clár um chóiríocht atá sonrach do mhic léinn de chuid RTB a chuardach.

Fiú mura bhfuil do thionóntacht cláraithe ag do thiarna talún, is féidir leat ár seirbhís um réiteach díospóidí a úsáid fós chun fadhbanna a réiteach.

Is féidir linn dul i mbun gnímh in aghaidh tiarnaí talún nach gcláraíonn tionóntachtaí. Is féidir leat tionóntacht neamhchláraithe a thuairisciú dúinn trí fhoirm Ghréasáin: Tuairiscigh tiarna talún

Cén fáth a bhfuil sé tábhachtach clárú?

Ní mór do thiarnaí talún a dtionóntachtaí a chlárú de réir dlí. Tá iarmhairtí tromchúiseacha ann do thiarnaí talún nach gcláraíonn tionóntachtaí. Is sócmhainn náisiúnta thábhachtach é clár náisiúnta tionóntachtaí RTB. Úsáidimid na sonraí clárúcháin tionóntachta a bhailímid chun na nithe seo a leanas a dhéanamh:

• Bonn eolais a chur faoin mbeartas i leith na hearnála cíosa.
• Faireachán a dhéanamh ar cé acu atá tiarnaí talún ag cloí leis an dlí cíosa nó nach bhfuil.
• Taighde a dhéanamh lena dtugtar freagraí ar cheisteanna tábhachtacha faoinár n-earnáil cíosa. Mar shampla:
• Cén mhéid atá inár n-earnáil cíosa?
• Cá mhéad cíosa a íocann tionóntaí?

Tá níos mó ná tionóntacht amháin agam

Más tiarna talún ag a bhfuil roinnt tionóntachtaí thú, ní mór duit a chinntiú go bhfuil gach tionóntacht cláraithe ina n-aonar. Is féidir leat é sin a bhainistiú trí do chuntas clárúcháin.